【教女有一套】陳慧珊坦言完全唔注重考試分數

    陳慧珊最近在灣仔出席一個重塑教育論壇,現時仍在港大修讀教育博士學位的陳慧珊,透露現時忙於做論文。

    問到平時會否與11歲女兒聊天?陳慧珊說:「必然,傾偈係一個最好、最自然嘅教導方法,傾偈會學到好多嘢。」會否很注重女兒的考試分數?

    陳慧珊說:「完全唔注重,當然希望佢唔會太低,如果太低嘅話,即係佢學嘢嘅過程有問題,但如果佢係ok嘅、高過合格,最重要係佢唔會重複用錯嘅方法去做,我覺得唔好同人比較,我唔擔心我個女,反而我唔想佢咁完美,咁樣先有進步空間。」

    對於她早前拍攝一個教育訪談節目《放學後》,陳慧珊說表示已經拍至尾聲,大約暑假檔期播出,她說:「每個嘉賓都好出心,好願意去付出,同埋好願意講真相出嚟,唔單只因為對我嘅信任,佢哋係想用佢哋嘅人生睇法去感染觀眾,所以佢哋係為觀眾而做。」

     

     

     

     

     

    (appledaily)

     

    SHARE