賭王四房長女何超盈早前去了美國，陪哈佛學霸未婚夫辛奇隆（Thomas）兼安胎，日前已返港，今日在IG貼了大肚寫真，作為送給四太梁安琪的母親節禮物，並公佈腹中是B女，還替她改了花名「荷包蛋」（相關新聞：https://bit.ly/2HgdXFH）。
《蘋果》今日聯絡準婆婆四太，問到母親節收有心思的禮物心情，她笑言：「之前影完，都唔知佢會今日擺上網，當然開心啦，佢哋都係啱啱喺美國返嚟幾日，一齊過母親節。」
問到她抱孫女的心情，四太表示：「仔又好，女又好，我都一樣開心。」提到孫女已有花名「荷包蛋」，四太說：「荷同何個音一樣，佢哋細個時，個個都有花名，大家一齊諗，想諗過搞笑啲名，咪叫食物，一係叫荷包蛋，一係叫荷葉飯，都係開玩笑。」
(apple daily)
