昨日係母親節嘅大日子，唔少孝順仔孝順女都同媽媽慶祝。
啱啱榮升爸爸冇耐嘅藝人鄭嘉穎，就喺社交網發文多謝生命中最重要嘅兩位母親，分別係自己媽媽及太太陳凱琳（Grace），留言：「我心目中兩個最美麗的母親！祝母親節快樂。」
而Grace亦有冧爆回覆：「I love you！（我愛你）」
嘉穎仲晒出媽媽嘅舊照及Grace嘅抱B照，唔少網友都話嘉穎媽媽簡直係大美人，仲話同Grace勁似樣，難怪佢咁錫老婆啦。
另外，出名孝順嘅佘詩曼亦晒出同媽媽嘅合照，並留言指媽媽永遠都係佢最好嘅朋友，仲大讚對方係最好嘅母親。
至於無綫藝人羅天宇亦孖住細佬胡㻗同媽媽慶祝，齊齊送上母親節蛋糕，非常溫馨。
(on.cc)
