【再煩我就…】歐陽巧瑩竟然叫林師傑搵第三者…

    歐陽巧瑩(Tammy)同林師傑去年11月結婚,婚後不時都喺社交網公開放閃。

    不過Tammy竟然開始嫌老公煩,仲直言想掌控財政大權,寧願更將重任交畀第三者決定,究竟點解咁兒戲?

    原來師傑想買車,但一直揸唔到主意,最後決定搵愛犬Tado幫拖,分別用兩種零食代表兩架唔同型號嘅車。

    喺揀嘅過程仲充滿驚喜,事關Tado本來咬起咗A,最後放番低叼起B走人,師傑都問咁即係點呀?

    Tammy笑言:「將重任交左喺杜記身上~唔好再問我買乜車好?幾時買?再煩我就過哂(晒)你啲錢去我戶口度!」

    (on.cc)

    SHARE