一代女神息影後移居加拿大，雖然好少再公開露面，但佢不時都會喺社交網分享近況，亦間中會被網友「野生捕獲」。
喺上年9月，就有網友影到佢同朋友打邊爐，但相入面嘅王祖賢身形脹爆。
雖然佢其後有自己上載靚相為自己平反，不過始終都係他拍先知真偽……
日前又有網友幸運地喺溫哥華超市遇到王祖賢，仲大讚佢已經回復女神狀態！
喺網友分享嘅相入面見到，紮低辮戴住黑色口罩嘅王祖賢相當低調，但着住米色針織衫嘅佢氣質依然相當出眾，而且身形都比8個月前嬌小。
網友仲話佢依然係一副歲月靜好嘅模樣，仲令佢諗起當年嘅「聶小倩」添！
(on.cc)
