現時佗緊第二胎嘅胡杏兒專心養胎，繼早前舉行完Baby Shower，佢又晒出大肚寫真(相關新聞:https://bit.ly/2JS5efH)，真係超有心思！
呢日佢喺微博上載一段Vlog，同大家分享佢嘅懷孕日記！
佢話其實好鍾意行超市，一有時間就會行，會揀選新鮮、健康同有機嘅食物！
當佢見到士多啤梨時，即時想起囝囝Brendan，因為係佢最鍾意食嘅嘢，不過應該都唔夠佢犀利！
當杏兒去到熟食位置時雙眼發光，忍唔住嘩嘩聲：「這是我的天堂呀！」
不過最後佢竟然咩都冇買？原來係因為太多嘢買，等拍完片後佢先走去掃貨！
片中嘅佢腹大便便，網民又大讚佢普通話講得好呀！
(on.cc)
