【每年堅持為小豆搞生日會有原因】麥雅緻:轉眼間你已經係五歲喇

藝人張頴康同麥雅緻婚後育有一對仔女「小豆」同「小花生」,一家四口幸福滿瀉,係圈中數一數二模範家庭,仲好多網友都Follow佢哋一家人嘅社交網添。

話咁快大女小豆已經5歲喇,咁高興,麥雅緻就搵嚟大班好友同阿女慶祝生日,大搞生日派對,又幫小豆打扮到公主一樣,真係啱晒囡囡心意。

麥雅緻亦喺社交網晒相,語重心長咁祝福囡囡,指年年佢都堅持為小豆搞生日會,係想阿女大個咗都可以有美好回憶!

「每年爸爸媽媽都幫你舉行生日會,目的係希望日後你睇番,可以有個美好回憶,一歲兩歲三歲四歲⋯ 轉眼間你已經係五歲喇⋯ 希望我哋一家人齊齊整整,健康平安!」

一家人真係超有愛!

(綜合報道)