【利嘉兒帶女到賀】豪花6位數搞百日宴:每一刻都唔想離開佢

二月開刀誕下愛女Alexa,有女萬事足的她為囡囡豪花6位數金額,舉行百日宴,獲百多位親友到賀,其中與其老公Adrian分屬好友的利嘉兒夫婦亦有現身。

現場佈置夢幻,三個多月大的Alexa成為派對上主角,她坐在七彩繽紛的氣球吊籃內,相當可愛!

前亞姐張珮汶(Grace)豪花六位數為寶貝女搞百日宴。

Grace受訪時直言為免女兒孤單,會繼續追B:「生多個仔或女都冇所謂!但等多一段時間先,囡囡剛剛三個幾月,我依家每一刻都唔想離開個女!」

作為新手媽媽的她,透露現時餵奶粉取代人奶:「原來好多嘢要學,好似掃風咁,試過掃得唔好,搞到BB谷住肚仔肚痛,係咁喊,先知掃風好重要!」

二月開刀誕女,榮升媽媽

帶同囡囡到賀的好友利嘉兒以最實際的現金利是作為禮物…

她謂:「我哋大家都生咗個囡囡,有共同話題。(Grace有冇請教你湊女心得?)又唔敢話教,交流吓,我哋大家都係新丁,同Grace一樣好想追多個!」

 

 

 

 

 

 

(綜合報道 / on.cc)