【52嵗太太高齡佗B】黃澤鋒愛妻晒大肚寫真:重咗好多,而家__公斤

黃澤鋒年初宣佈52歲老婆陳麗麗懷孕,囡囡乳名叫「小黃妃」,老婆早前受妊娠濕疹影響,全身又痕又痛,幸好有老公黃澤鋒悉心照顧,目前已痊癒,黃澤鋒亦小心照顧懷孕愛妻的日常起居飲食,二人坦言有意再追B。

他們早前拍攝懷孕照留念,黃澤鋒接受《蘋果日報》訪問:「今次影呢輯相係我第一次同太太叫『三個人』一齊影相。」黃澤鋒指他們結婚時沒影婚照,當時只以簡單衣着去影相,陳麗麗續道:「我哋係諗住有B嘅時候就會將件事鋪大啲,希望留嚟紀念,今次有個好朋友提議幫我哋影輯相,我哋都好開心呀!拍手掌話好,我哋去影喇!」

 

黃澤鋒讚這輯相影得太太又靚又有型,他賣口乖說:「大肚得嚟都好有型!真係影得好靚、好開心。」
陳麗麗笑指:「大家都OK,今次係一個好好嘅留念,而家佗B約32周,預產期喺7月,重咗好多,80公斤(約176磅)。」黃澤鋒解釋:「佢就80公斤,B女好似重咗,但佢個肚好大個。」

陳麗麗稱B女目前3磅幾:「OK嘅!都健健康康,不過肚大,個人累贅啲,行路辛苦啲,其他都so far so good!」

黃澤鋒自言越來越緊張,因為即將步入「終點」,迎接愛女出世。

 

 

 

 

 

 

(綜合報道 / appledaily)