【近排壓力好大】鄧麗欣承認同王子少咗見面

    藝人鄧麗欣以代言人身份出席美容院活動,表示自己不算勤力護膚:「其實我有啲懶,不過都會去做Facial,可以Relax吓。」

    她透露最近拍緊戲,原來自己有潛藏壓力都不知:「呢部戲會沉重啲,覺得呢排精神狀況、睡眠都冇咁好,自己都唔覺,但慢慢會發出嚟。(咁邊個提你?台灣男友王子?)自己,但另一半都有提少少嘅,我都有預先同佢講定。(佢都察覺到?)可能有時傾偈Feel到,可能我又笑少咗。」

    問到男友可有怎樣幫她放鬆些?她表示:「佢都太忙,希望大家拍完之後可以放假去旅行。(你哋拍嘢少見?)少好多,本身已經遠,加上大家都忙,就少見咗。(會視像通話?)都會。」

    「(你拍到幾時?)6月尾,到時應該有一星期假。(會去台灣搵佢?)有時間都會,當自己係放假,雖然台灣都唔似係去旅行。(因為係夫家?)唔係,但離開香港始終冇咁多電話同咁多嘢做。」

    問到是否計劃定一周年去旅行?她表示:「係Plan定放假去旅行,總之有時間就會去,冇特別咩日子。」

     

     

     

     

     

    (on.cc)

     

    SHARE