2014年香港小姐季軍何艷娟早前宣布同與比自己大40年嘅澳博營運總裁吳志誠離婚，結束8個月婚姻。
雖然離咗婚，但見佢生活無憂，繼續去旅行歎世界。
爆出離婚消息後，隨即傳出佢同逾百億身家嘅已故知名教育家陳樹渠嘅長子陳燿璋過從甚密。
變番單身嘅佢，生活質素仍然冇改變，幾乎每個月都去旅行，真係令唔少人羨慕！
但喺劇集《愛．回家之開心速遞》飾演「龍作蜜」嘅佢，估唔到佢仍然熱愛幕前工作，在宣布離婚後，佢首次喺社交網「現身」，見佢上載張拍《愛》劇照片，繼續貼地返工努力搵錢。
唔少網友都話好驚訝佢仍然努力工作，仲話見佢咁勤力，希望可以喺《愛》劇見多啲佢！
(on.cc)
