【謝婷婷秘密產女】爸爸謝賢第一下反應：乜嘢話？

謝賢與狄波拉所生的36歲細女謝婷婷近年甚少在香港現身，最後一次出席公開現身已是去年5月，出席一個珠寶活動，但就未有提及近況，而四哥拉姑與霆鋒慶祝今個農曆年時，婷婷亦有未有出席。

今日中午，她在IG忽然報喜，擺了一張拖BB小手的相，更寫下：「You are my brightest light.」，之後再hashtag了#loveofmylife 、#happy100days及#babygirl，宣佈已做了媽媽，不少人都留言恭喜。(相關新聞：https://bit.ly/2MlWPnN)

傳媒就致電四哥了解及恭喜，問婷婷是否生了BB？他說：「乜嘢話？做乜呀？邊個話畀你聽？」記者婷婷在社交網貼相，四哥說：「係咩，哦。」

再問是否做了外公？四哥說：「我都唔知喎，唔好問呢啲嘢，唔好亂咁寫。」記者再追問指婷婷已在IG公佈，四哥即掛線。而她的經理人表示要了解事情。

後來又有記者就此事致電謝賢，這次他承認做公公，並笑得開懷：「總之，開心啦，唔講喇！」謝婷婷經理人表示要了解事情，暫未有就生B一事回應。