36歲謝婷婷秘密誕女，今日突然在社交網公告女兒已出世100日，《蘋果日報》第一次致電四哥恭喜，問婷婷是否生了BB時，他還十分口密，反問記者：「邊個話畀你聽？」更匆匆掛線，直至即時新聞出街後，《蘋果》再致電四哥，他終於直認做了外公的喜訊。
記者在電話恭喜四哥做外公，他開心說：「做外公咪好囉。」問到BB是否好靚女？
四哥說：「暫時未見喎。」外公都未見過孫女？他說：「而家女大女世界，外公咁又點啫，而家佢都未返嚟。」問婷婷現身處那裏？
四哥笑說：「我唔知喎！」問是否在美國？四哥說：「應該係啩。」問到為甚麼不去探孫女？他說：「我唔得閒嘛，等佢自己搞掂咗先。」
婷婷幾時返港？四哥鬼馬說：「未知，佢返我話畀你知，我登報話畀你聽，哈哈哈！」
四哥又問到婷婷男友、BB生父，四哥說：「男朋友佢鍾意咪得。」問是外國人還是中國人？四哥停了一會說：「我唔知喎，而家仔女嘅事我點會知，全部都唔喺香港。」有冇給你看相？他說：「唔好問咁多嘢啦。」
相關新聞：
【被問到B女爸爸…】契媽汪明荃替謝婷婷非常開心 https://bit.ly/2Wzciox
【與謝婷婷曾談婚論嫁 惜未能開花結果】安志杰有回應 https://bit.ly/2EMCrWI
【大肚照曝光】原來謝婷婷早有暗示兼用長褸遮肚 https://bit.ly/2wubClE
【謝婷婷秘密產女】謝賢第一下反應：乜嘢話？ https://bit.ly/2EQUB9U
【囡囡一百日大】謝婷婷消失一年 突然報喜 https://bit.ly/2MlWPnN
(綜合報道 / appledaily)
