38歲陳冠希（Edison）2016年秘密撻着29歲超模秦舒培，前年更榮升人父，秦舒培為他誕下得意囡囡Alaia。
雖然Edison一直未有公開與秦舒培是否已婚，但他對這個三口之家絕對重視，自囡囡出生後不但經常晒囡囡的可愛相，更將大部份時間放在家庭上，生活習慣跟以前大不同。
自從有咗囡囡之後Edison就化身炫女狂魔！ 
今日Edison又在IG上載一家三口攝於沙灘的溫馨照，相中Edison肉緊啜爆囡囡臉，被爸爸咀到頭都側埋的Alaia則用小手把媽媽擁入懷，而秦舒培就冧笑到見牙唔見眼。
Edison還留言寫着：「FAMILY > EVERYTHING」表明家庭對他是十分重要。不少網民看到這張溫馨照都被感動，短短兩小時已有2萬8千多人讚好。
人仔細細已經咁識擺POSE，睇嚟遺傳咗媽媽嘅優良基因！
(綜合報道/apple daily)
