【餵奶換片一腳踢】陳柏宇要帶埋八個月囡囡開工

陳柏宇(Jason)昨日帶同8個月大的囡囡Abigail到電台宣傳新歌,Abigail現身成焦點,令陳柏宇萌生醋意。

Jason稱太太符曉薇要到外地工作,這3天他能獨霸女兒,雖然要餵奶、換片一腳踢,但也沒問題。

他說︰「唯一是不能太熟睡,囡囡半夜時想扭計,我要安撫她,避免BB狂哭。」

Jason解釋因老婆符曉薇最近要到出埠工作,所以可以獨自同Abi朝夕相對足3日2夜,問到不用跟老婆爭囡抱好Enjoy?他反而表示:「冇得爭又唔同感覺,乜都要自己搞,好似氹瞓覺咁,起身得唔夠佢快,佢 就會醒,所以依家都醒瞓好多。」

Jason笑言明天會繼續帶囡囡開工:「聽日長時間啲就可能要帶埋車仔,搵時間氹佢瞓覺。(有冇工作搵你哋一家三口?)暫時冇,但有搵BB,如果有工作都唔會抗拒。」

陳柏宇又稱他不介意一家三口拍廣告,為女兒儲下教育基金。他說︰「囡囡7、8歲時會返加拿大生活,由太太主力照顧,我做太空人兩邊飛。或者我屆時發了達可以提早退休。」

 

 

 

 

 

 

(綜合報道 / mingpao)