藝人馬賽雖然仲有一個月就卸貨，但佢依然冇時停，繼續頂住大肚周圍去，好好享受BB出世前嘅自由時間！
近日佢就去咗美國亞利桑那州（Arizona）著名景點羚羊峽谷，見佢雖然佗住巨肚，但依然好有心機留倩影，仲影咗一堆好靚嘅風景相，認真好精力！
最近馬賽就去咗馬蹄灣，除咗摸住個肚同靚景合照之外，佢仲拍片同大家分享，影住大頭嘅佢面尖尖零水腫，一啲孕味都冇…
佢話：「超級大風，我都快被吹走了！」之後啲風聲仲大到蓋過晒佢講嘢嘅聲添！
網友見到都留言叫佢要小心安全，提佢呢個準媽媽要多啲休息呀！
(綜合報道 / on.cc)
