【曾目睹老公出軌 患罕見病】若只能許一個願望 田蕊妮只希望杜汶澤…

    杜汶澤同田蕊妮拍拖6年,二人喺2005年拉埋天窗。

    田蕊妮十六嵗就認識杜汶澤

    兩人結婚近14年,多年來遇過感情危機、阿澤曾患罕見疾病「米勒費雪症候群(Miller Fisher Syndrome)」,必須停工,田蕊妮當時喺寧波拍戲,自責未能喺阿澤身邊陪伴,阿澤仲安慰番佢轉頭,令田蕊妮佩服阿澤遇到逆境,仍能安然面對,讚阿澤係佢「心目中的巨人」。

    阿田曾親眼目睹老公出軌,難得老婆田蕊妮仍冷靜地為老公着想,阿澤內疚說:「佢話我點對佢唔重要,最重要點對自己,萬一我車住條女俾人影到,有冇諗過自己玩完?佢永遠唔介意我點對佢,只介意我點對自己,過咗咁多年,我嘗試學過唔同生活,到頭來發現最好係老婆,呢幾年老婆唔check我,我問佢點解咁信我?老婆話:『我唔驚,我使乜睇住你,黎智英會睇住你!』」

    上周6月8日是藝人杜汶澤47歲生日,老婆阿田身為他的另一半當然有表示。

    阿田昨日在社交網曬出一張阿澤的童年照片,相中的阿澤戴上眼鏡,樣子青澀,跟現在的他大不同。

    阿田留言祝賀老公牛一:「如果有阿拉丁神燈,而神燈又能夠俾(畀)一個願望我,我希望呢條友仔身體健康,一切順利!我的好伴侶,好朋友!祝你生日快樂!」

    不少網民都大呼感動,還希望他們兩人繼續幸福下去!

     

     

     

     

    (facebook / 綜合報道)

     

    SHARE