【宋熙年已經習慣咗】陳智燊:老婆成日問點解個仔可以佢唔可以

藝人陳智燊(Jason)和宋熙年(Sarah)以夫妻檔到尖沙咀出席活動,即場玩鬥執行李遊戲,問Jaosn平日執行李是否也很混亂?Sarah為他澄清:「其實佢係好有研究,但要用好耐時間,執行李要執兩日,佢每樣嘢都要包好,有嚴重潔癖!(有冇因為咁鬧交?)冇嘅……討論囉!我執完行李佢又要執多次,我哋唔可以用同一個箧,依家學識大家各自執,互不干擾。」

廣告

廣告

問到生活上有否因為乾淨問題發生摩擦?Sarah自言比較隨意,但Jason要求很乾淨:「佢用完嘅篋要抹好晒先拖入屋,入到去又要每樣嘢分類再抹。(你有冇幫手?)我驚愈幫愈忙。」

問有小朋友後問題有否加劇?Jason說:「小朋友嘅嘢係預咗亂,所以我都由得佢,老婆成日會問點解個仔可以亂佢唔可以。」宋熙年表示:「其實小朋友喺某程度上係要接觸吓日常嘅細菌,小朋友先會strong啲。」

講到今年是第一個有小朋友的父親節,Sarah表示Jason每日攬住囝囝已很開心,到時會簡單食飯,Jason直言沒有太大感覺:「以前都唔會慶祝呢啲節日,之前母親節都係好臨時book枱食飯,禮物仲候補緊,有好多搞笑嘢!」

他又笑問Sarah會送甚麼父親節禮物,即被取笑他自己都未送出母親節禮物,Sarah笑說:「我成日都話我送畀佢最好嘅禮物就係幫佢生咗個仔,但我就要收禮物!」

一家三口超有愛!

(綜合報道/on.cc)