【當年生活好慘】曹永廉:嗰陣時得一層樓囉!

曹永廉在尖東出席其代言的爐具發佈會,蔡宛珊(Sarika)亦有現身,不過她以趕時間為由,未有接受訪問。

阿廉指今年已是第4年的代言人:「我識呢個老闆有7、8年,所以唔係講酬勞,係一個開心價,幾年前我生活好慘嘅時候,佢竟然搵我做代言,佢救咗我。」問到當時生活的慘況?阿廉笑說:「嗰陣時得一層樓囉!嗰陣個個都幾層樓㗎嘛,而且我又冇乜騷做。」

阿廉表示閒時就會去街市買餸,最近更帶好友蕭正楠一起去:「佢而家結咗婚,要照顧老婆,所以我帶埋佢去街市熟悉吓。」對於他與蕭正楠在9月假九展開演唱會,他說:「今次唔係賣飛,係一間銀行做主辦,畀VIP客睇,而家開始傾rundown,早排同阿蕭去咗好多地方登台,所以又唔係話好驚。」

會否想再出碟繼續歌手夢?阿廉說:「之前有人提過,但到時先算,因為我就快要開劇,一開就要開5個月,如果真係有人願意又唔怕死先再諗,最緊要多啲兩兄弟嘅合作,邊有翠如份㗎,其實我哋呢個三角關係好耐㗎喇!」

阿廉透露稍後會與好友蕭正楠、陳豪等合作拍劇,更大爆與蕭正楠有親密的戲份:「佢可能有hehe嘅習慣,但又唔知係唔係,因為劇情未寫到,咀?基本啦!」

 

(apple daily)