國際影星章子怡自四月被爆出「造人」成功，為丈夫汪峰佗緊第二胎，上個月去完法國舉行的康城電影節，就正式停工等生。
早前佢去到康城行紅地氈，一襲透視晚裝長裙上陣，雖然兩隻手遮住，但望落去腹部仲係好平坦。
同汪峰慶祝結婚四周年時，連自拍都係僅影上半身。
近日有大陸傳媒遇到章子怡出巡，佢同老公、囡囡「醒醒」一家三口出街街，汪峰全程傍實老婆，身穿鬆身白Tee嘅章子怡腹部微隆，唔通終於見肚？
不過最搶眼嘅係身旁嘅老公汪峰，佢嘅大肚腩明顯凸出，更有網民笑指佢個腩仲明顯過章子怡個肚添。
盛傳再度高齡佗B嘅章子怡雖然暫時未有回應，唔少粉絲都希望快啲收到佢嘅喜訊呀！
（綜合報道）
