【雪卵做Backup】苟芸慧:覺得佢都改變咗我

    人妻苟芸慧(苟姑娘)平日陰聲細氣,但講起廚藝即喋喋不休,除了有研究中藥、湯水及甜品外,原來與老公陸漢洋(William)也喜歡於家中甜蜜下廚,大讚老公乃天生美食家,好奇心強,對食物有要求,又不時把食材改頭換面,故自己多數當副手,早前為了試燒烤陶瓷爐的溫度,竟花了大半日炮製龍蝦及牛扒,她笑說:「呢啲係情趣,過程好開心,但整完之後未必有心思去食。」

    談到與William情定賽車場,苟姑娘透露早年身體響起警號,當時只想快點復原,以及工作的事情,根本無暇多想感情事,沒料William卻突然於其人生中出現,更自爆當初曾一度誤以為對方是司機:「佢自己話『I’m a driver』,我咪問佢Uber定Taxi囉!後來到拍拖佢話一直想更正番,我覺得呢個係美麗誤會,諗番都好好笑,其實同佢一齊一段時間,覺得佢都改變咗我,令我變得堅強,以前我唔知自己做乜,依家就會專心做。」

    現年35歲的她,被問到甚麼時候才為老公家族開枝散葉?滿腦子計劃的苟姑娘表示:「計劃想兩年後,依家結婚半年,老公性格小朋友,應該未有做好心理準備做爸爸,但照顧我都OK。(有冇諗過雪卵?)有去做過資詢,有做檢查,但要搵時間打針,我哋呢樣嘢係Openmind,覺得趁年紀最精壯時去做好啲,如果自然可以有BB就自然,到有困難先用呢個Backup(雪卵),但呢排一直有嘢排住,有工作未去到做住。」

    由於忙於佛山為劇集趕埋尾,預計下月生日前才煞科,問到William可有前來探班?苟姑娘指與近排雖然少見,但認為少別勝新婚,反而更懂珍惜。

    (on.cc)

    SHARE