當時安心偷食事件爆後，森美三度捲入事件，被力數三宗罪，包括Like黃心穎道歉文、播許志安嘅歌及被指跟黃心穎返香閨。
森美即時喺電台向老婆示愛耍冧，不過原來唔係得把口，森美其實有用行動去氹番老婆嘅。
佢今日就喺社交網上載同老婆去日本旅行嘅合照，一路以嚟，森美都甚少公開講老婆，莫講話放閃晒合照喇！
所以今次情況真係極罕有，佢以「搵到個靚女合照」嚟形容呢張相，不過最搞笑係麥美恩留言「我只想睇阿嫂。」
陳敏之都大讚「阿嫂好索呀！」
而有好多眼利網友都話今次係森美第一次登阿嫂合照，佢哋已經結婚19年，一對仔女都已經十幾歲，先至第一次晒合照，真係好難得！
森美與囡囡
(綜合報道 / on.cc)
