尋日港姐第一輪面試，當中騎呢組有佳麗同《愛．回家》嘅池美麗撞樣(相關新聞:https://bit.ly/2IIrLLg)。
而池美麗真身鍾凱琪都喺社交網出POST自抽一番。
佢話：「晚安~ 今晚不停畀朋友tag🤣真係唔出post都唔得呀！ 繼上次飯托之後又一鋪撞樣？ 在下絕對大眾面。萬能key？話時話大家係咪真係覺得我當年唔應該參加叮叮（殘酷一叮），而係應該參選miss hk？ 但我估計我絕對會畀人1秒即叮！ 選美包尾拿第一有冇獎品㗎？減完肥可以考慮下，如果佢唔計我超齡的話！」
不過識睇梗係要睇留言啦！網友就勁搞笑咁話「金城安見到池美麗去參選一定硬晒」，更有網友建議《愛．回家》編劇下次可以用池美麗去參加選美做劇情。都有唔少網友大讚池美麗靚女過撞樣佳麗。
(on.cc)
