31歲的前港姐馬賽今年年初宣佈與圈外男友結婚，不久即公佈懷孕喜訊。
早前終於開估BB性別，係B囡啊！
不經不覺，馬賽已進入「卸貨期」，懷孕40周的她隨時生得。現已到美國待產的馬賽，連日來都有在社交平台貼相，她先到當地名勝遊覽，更與腹中BB「母女」一齊學佛。
話晒都係第一胎點都要影番輯靚靚大肚寫真先得，呢日佢就喺社交網上載穿上比堅尼嘅孕照，相中所見佢已經肚大如籮，但肥肚唔肥人，四肢仍然纖幼，認真得天獨厚！
佢穿上三點式在沙灘漫步睇日落，仲留言話：「感恩佛菩薩加持，孕期一切順遂❤️Mom is waiting for you❤️Camellia，are you ready？」
幸福之情表露無遺，佢更無意間透露已經為BB改定英文名，與陳豪陳茵媺囡囡一樣叫Camellia。
（綜合報道）
