【小豬比正面照曝光】陳展鵬單文柔囡囡出世一百日喇!

陳展鵬與單文柔去年10月舉行婚禮後,今年4月榮升父母,單文柔為陳展鵬誕下七磅囡囡「小豬比」,並取名Quinta。

初為人父母的陳展鵬和單文柔,不時在社交網分享湊B樂照片,例如幫囡囡沖涼、換片和餵奶等等,不時抱囡囡去街。

而陳展鵬出席活動時,透露自己不時唱英文歌給囡囡聽,又表示希望囡囡先學識叫媽媽,之後才叫爸爸,認為太太生囡囡辛苦,所以該先叫媽媽,笑言太太開心他便開心,錫老婆錫到燶。

原來夫婦二人今日七一為女擺百日宴,有份出席的黃建東於Instagram上載跟陳展鵬一家三口合照,留言說:「今日係小豬比百日宴,祝 Quinta bb健健康康、快高長大、最緊要大個咗孝順父母!」

相中新手媽媽單文柔穿上碎花裙,雙手抱住寶貝女「小豬比」,小豬比則穿上淺色格仔衫及戴上頭飾,胖嘟嘟非常可愛~

(綜合報道 / appledaily)