【盛傳范冰冰肚凸凸 仲話個肚唔係李晨】造型師終於開估

    內地藝人范冰冰同李晨早前宣佈分手後,唔少傳聞隨之湧現,當中要數傳范冰冰大肚最爆,條料有埋片話佢肚凸凸之餘,仲話個肚可能唔係李晨!

    呢日佢個造型師喺微博爆料,公開雙方對話截圖擺上網畀大家知道范冰冰大肚真相!

    從對話截圖睇到,造型師完全冇廢話第一句就問:「說你懷孕了!」

    就係呢張圖比人話佢大肚~

    冰冰回覆話全世界都覺得佢肥到似懷孕,但係佢好肯定自己瘦咗,不過造型師就唔係咁睇,寸佢話攞啲衫去試吓,睇吓有邊件佢着得落,仲話以後要叫佢做「肥冰」,原來冰冰唔係懷孕只係近排肥咗。


    佢哋兩人嘅對話亦同時證實咗兩件事,第一:造型師叫冰冰趁依家「一個人」要努力減肥,即係之前傳冰冰同李晨假分手玩地下情嘅傳聞唔真實。第二:范冰冰話自己仲有一個月先至開工唔急減肥,即係范冰冰將會喺八月正式全面復出。

     

     

     

     

     

     

     

    (綜合報道 / on.cc)

    SHARE