【原來小豬比中文名係…】張國強大讚單文柔B女非常乖

藝人單文柔(Phoebe)同老公陳展鵬嘅女兒「小豬比」Quinta,唔經唔覺已經出世一百日。

新手爸媽Phoebe同陳展鵬,琴日就為「小豬比」搞咗個百日宴,當然唔少得邀請親朋好友出席。

座上客之一嘅黃建東,琴日已經急不及待於社交網上載出同Phoebe一家合照。黃建東留言:「今日係小豬比百日宴,祝 Quinta bb健健康康、快高長大、最緊要大個咗孝順父母!」

喺媽媽懷中瞓著咗,仲瞓得好梳乎添~

另外,有份出席嘅張國強洩露Quinta嘅中文名為「陳諾瑤」,又大讚佢非常乖巧!

KK張國強仲大讚B女好乖:

恭喜展鵬和太太文柔的心肝寶貝女兒諾瑤百日了,今天百日宴上諾瑤全程非常乖乖和配合,沒扭計沒哭鬧,這麼大塲(場)合也超合作,任抱任影,沒半點怯場,相信盡得父母好的細胞,他朝終非池中物

 

 

 

 

 

 

 

 

(綜合報道 / weibo)