今年香港小姐複試於今日開始，大會從139位參加者中篩選50人，多位大熱都順利入圍！早上九時，參與覆試的50位佳麗陸續到達將軍澳康城站準備乘坐接駁巴士前往電視城。
左起：楊慧敏（Mina）是馮盈盈師妹；與黃嘉雯（Carmanry）同為大熱。
黎康祺 Harriet 23歲，剛畢業於新聞傳播系，對參選信心盡力而為，一身健康膚色鍾意戶外活動。
第二次參選的姚羽嘉（右），又稱章子怡師妹，日前剛於北京舞蹈學院畢業。
今次入圍複試的佳麗不乏上回大熱Katy、KOL Kayan 同Carmaney，湯盈盈師妹Mina，亦有兩位空姐陳心儀和黃詠柔。
陳心儀（Sammi） 21歲，任職空姐兩年。
黃詠柔（Rowena）23歲，任職空姐，對參選有信心，但有少少緊張。
黃雍祺Ashley19歲，之前和媽媽一同參與面試報稱就讀喬治華盛頓大學。
梁靖嵐（Eleanor）18歲，港大學生，中英混血。
其中蔡嘉欣被問到有沒有信心？她表示「佛系」：「順其自然啦，緣分來了，結果係點由佢。」
講到她被網民翻出舊泳衣照，發現其大腿外側有紋身，但凡有紋身者會一律被「Out」，但她卻竟可以入圍，她表示：「有幸入圍，着泳衣嗰陣大家就可以留意。（驚可能會睇唔到你？）命中注定，隨緣啦。」
講到她有很多黑材料被網友搵出來，她表示：「有批評先有進步，我都係喺網絡浸淫咗好多年，都慣咗好多呢啲黑新聞。」問到今日的服裝可是在淘寶買？她笑言不是，是在另一間網店買：「之前網友搵番啲相出嚟比較，好犀利。」
范莎莎殺入港姐覆試，她笑言已是第三次Second in，問到可是最有經驗？她笑言：「唔敢講，但第一次面試時其他女仔有留意我唔係第一次選，所以都活躍問我問題，我都好樂意同大家講。（你都好豁達？）係呀，啲朋友講我第三次參選可能會畀記者寫衰，咁我都睇得開嘅。（如果今次唔得仲會唔會選第四次？）唔會啦，都有少少辛苦。」講到她今日一身 Pink Lady Look，她表示陣間會換衫。提到其IG有很多周遊列國的相片，她表示上年參選時剛剛畢業，所以有時間旅行，現時就在旅遊局工作。
而高妹Katy被問到被視為大熱有何感想時，她表示平常心面對，但坦言少少緊張。她又透露已與模特兒公司解約：「因為差唔多時間約滿，依家係自由身。」
馬己喬Myra 23歲，英國倫敦學院讀護理畢業。
(綜合報道)
