【張晉攬實超甜蜜】蔡少芬首晒孕肚!

    藝人蔡少芬(Ada)早前宣布為老公張晉佗第三胎,大家都為二人高興,仲叫Ada要小心佗B。

    咁啱佢哋依家正參與拍攝一個內地綜藝節目《我最愛的女人們》,今日節目組就晒出二人最新合照,見Ada雖着寬鬆嘅衫,但仍難掩隆起嘅小腹,真係睇見都幸福!

    合照中,兩人素顏出鏡一同溫馨睇日出,Ada靠喺老公懷中愜意眺望遠方,張晉則溫柔望實老婆,畫面溫馨。

    之後二人去到海邊,夫妻時而甜蜜對視,時而搭肩牽手並行。

    今次Ada個孕肚更加明顯,成個凸晒出嚟!

    其中一張相見張晉從後攬實Ada,二人又將手摸住Ada肚仔,呢個畫面確實係溫情四散,令人羨慕!

    真係超Sweet啊!

    (綜合報道)

    SHARE