【2019DSE放榜】12狀元奪7科5** 考獲20分很有機會入大學?

    中學文憑試(DSE)今日放榜啦!唔知今屆考生表現如何呢?即刻帶大家睇睇!

    今屆總共誕生咗12位狀元,有9男3女考獲7科5**。12名狀元中,其中有9人均來自傳統名校,分別來自九龍塘喇沙書院、拔萃女書院、聖保羅男女中學、拔萃男書院、皇仁書院及香港培正中學。九龍塘喇沙書院今年誕生3位狀元,認真犀利!

    除傳統名校,觀塘瑪利諾書院、筲箕灣聖馬可中學及中西區聖保羅書院都係首誕文憑試狀元。

    考評局公布,考獲「33222」學士學位基本收生要求嘅日校考生有19,676人,現時八大院校總共有約1.3萬個預留予聯招學生首年入學資助學位,平均約1.5人爭一個學位。考評局秘書長蘇國生相信,考獲20分嘅學生好大機會入讀八大資助學位!但強調選讀課程時要考慮自身興趣。

    無論考得好唔好,過咗去嘅嘢就唔好唸咁多啦〜人生有好多唔同嘅出路,各位DSE FIGHTER可以把握時間發掘自己嘅興趣,謹祝各位前程錦繡。

    SHARE