36嵗藝人謝婷婷之前閉關一年，連年頭同家人一齊食飯都無影，當時已經有好多網民問「婷婷去咗邊」
估唔到繼張栢芝秘密誕B之後，就輪到謝婷婷宣佈秘密誕B女，而連日嚟婷婷都只係同大家分享B女手仔腳仔相，自己近照已經好耐無貼過喇~
模特兒出身嘅婷婷社交網中有好多靚相，最新單人照已經係二月尾喇~
愛女現時都四個月大，暫時都係無B女正面相睇，好多人都好關心新手媽媽婷婷近況。到今日謝婷婷終於罕有地上載個人動態，佢以間條睡衣上陣~
咁長時間冇見婷婷，雖然佢都係生咗B冇耐，不過見佢依然狀態大勇，同以前做模特兒時無咩大分別，完全睇唔出佢已經係一名媽媽！
佢仲玩咗兩個造型Filter，仲話好希望自己一起身就可以咁靚添！
(綜合報道 / ig)
