林子善（Jazz Lam），前電影演員，現為香港無綫電視藝員。
林子善於去年4月和當時拍拖5年的圈外女友董佩欣（Kary）補辦婚禮，在酒店擺酒，出名在圈中人緣好的子善由本來筵開50圍加至63圍。不過婚禮結束後，有人向傳媒爆料，指其實當時子善在Facebook曾指責過朋友只畀$300人情，引發輿論。事後子善向傳媒坦言自己跟朋友沒有因為此事反面，強調自己只是講笑。
日前子善宣布太太有喜四個多月，下午他出席新劇宣傳時笑到合不攏嘴，又透露太太佗B情況：「佢好容易作嘔，試過有日放工返嚟話我聽，有同事隻腳好臭，因為佢嘅工作要換制服，可能人哋只係有少少味佢已經頂唔住。我冇見證過我媽媽大肚，因為我未出世，而我阿嫂生嘅時候我都感覺唔深，今次終於明白母愛嘅偉大。」
他透露太太腹中塊肉是BB女：「太太好開心，我就覺得仔女都冇咩問題。（諗住再生？）暫時唔會諗住，照顧小朋友要好有擔帶，遲啲再諗啦。」他又指為配合造人，自己早於太太懷孕前已戒煙9個月，而太太預產期為12月，子善笑言是最好的聖誕禮物。」真係好爸爸！
