【打機都有真感情?】劉佩玥被FANS嗌老婆?!

藝人劉佩玥(Moon)外貌同笑容都好甜美,係唔少宅男嘅女神!

近日佢出席電腦活動,話自己平時都有上網打機,因由小至大都有同細佬打機,有時打到好開心好盡興會激動想鬧人,而入行之後,都認識到唔少朋友都愛打機,會輪流去大家屋企打機。問可會爆粗?她話:「咁又唔使,最多搞笑咁鬧下人啫,爆粗留畀啲粗獷嘅男士啦。」試過打機同朋友反面?她說:「我冇,但朋友試過打到借錢,又話對方打得不好囉。我就覺得打機係娛樂嚟啫,唔好太認真。」

講到佢話會上網同街外人打機,會唔會用真名?Moon話因為用嘅名稱都是平時喺網上嘅名稱,所以Fans都知係佢,就算網上連線打機都需要佢確認先可以,所以都唔太擔心,佢亦不時開live同Fans傾偈互動。Fans有無網上向佢示愛?佢笑話:「有Fans都嗌我做老婆,就算女Fans都會。」曳曳啦你哋〜

(on.cc)