【主持節目提放榜】麥明詩提起呢樣就嬲

《後生仔傾吓偈》最新一集以「放榜」為主題,身為「十優狀元」兼主持之一的麥明詩稱:「放榜前一晚我寫咗個表,幾多會有咩action,因為當時我已經報咗外國寄宿學校,已經收咗,所以都無壓力。」

當年就讀拔萃女書院的麥明詩在香港中學會考中考取10優成績,佢就話當時學校只是宣布有三位狀元,加上自己沒有預計會考到好成績,因此得知自己是其中之一時都完全反應唔黎:「好記得我個嘴同下巴跌咗落嚟,要我旁邊的同學係咁推去上台。」有人問到當時心情是否跟台慶一樣,麥明詩直言「開心過台慶」。但收到成績單後,麥明詩即時致電父母,但可能因情緒激動,一聽到媽媽的聲音便哭過不停,令麥媽媽還以為她考得不好。

放榜當日學校就有記者守候,當時成為「十優狀元」的麥明詩就應記者要求與父母合照。可是就係咁令麥明詩有點兒生氣:「我最嬲係學校無(預先)打比我哋,搞到我嗰日無化妝,啲面油都飛晒出嚟,你明唔明踎喺圖書館兩年會係咩樣?當時我記得自己係115磅,好肥。兩年淨係溫書,啲暗瘡飛晒出嚟,當時校風又好純樸 問唔到人借化妝品……」