藝人吳若希喺2017年嫁比圈外人澳門才俊何兆鴻（Alex），同年誕下囡囡Giselle（淼淼）。
Jinny間中會喺IG分享囡囡嘅相，但為咗避免囡囡受到傷害，通常都不會PO囡囡正面照，或者用FILTER遮樣，護女心切。不過睇得出淼淼係個可愛嘅女仔！
眨吓眼Giselle已經兩歲啦，準備返學，吳若希亦開始為囡囡入學做足準備，為佢訂製校服同埋影學生相。
佢喺IG PO咗同穿住校服嘅囡囡影嘅合照，但見到囡囡半邊臉被遮，而網民就將重點放喺吳若希嘅白滑長腿上，大讚佢保養得好！
【淼淼兩歲女】吳若希曬囡囡校服相 長腿搶曬鏡！
