【天然呆好可愛】李璨琛囡囡側面似足蠟筆小新

廣告

廣告

藝人李璨琛(Sam)於2012年與拍拖兩年的時裝設計師梁志瑩(Pae)結婚,2018年誕下女兒李元元(Lucy Lee)。

囡囡李元元一向深得網民寵愛,呢日元元又再出動喇!

Sam喺網上PO出一張元元坐喺遊艇上嘅相,見佢着上泳衣好乖咁望住前面,擺出個「天然呆」樣,最可愛係佢面珠仔同手臂仔,都非常有肉地,睇見都想搣佢一吓!

Sam就代元元話:「呢度係邊度?前面嗰舊係乜嘢?我淨係覺得好熱,快啲車我返屋企 #熱死LU #睇我個側面都知我係冇表情啦!」雖然冇乜表情,但網友都覺得元元嘅側面好可愛,仲發揮想像力,話元元側面似足卡通人物蠟筆小新呀!又真係幾似喎!

(on.cc)