【跟老公返家鄉2】蔡少芬佗住肚水上打牌

懷有第三胎嘅藝人蔡少芬,趁住暑假一家四口返老公家鄉重慶探親。上次就俾網民撞見喺市區「掃街」,今次佢哋就去佐市郊嘅偏岩古鎮,仲帶同張晉父母,黎返場家庭聯誼。

廣告

廣告

今次佢哋就醒目佐,蔡少芬同張晉都戴住口罩。暑假人流較多,張晉即刻保鑣上身痴住老婆,不時用手拍一拍老婆背脊示意佢小心之外,仲同時睇實兩個可愛囡囡防止走失,真係全場最忙嗰個。

囡囡就最開心喇!大肚便便嘅蔡少芬只係陪佢哋喺街邊檔買玩具玩,坐船仔就要爺爺陪喇!見爺爺拉住船仔沿河走,兩個小朋友坐喺船上邊開心到拍晒手掌,玩咗一大輪走人時,囡囡仲望住條河好似唔捨得走。

偏岩古鎮出名在會有啲枱櫈喺河上面,遊人可以坐喺上面,浸住腳邊打牌邊傾計,涼浸浸夠曬梳乎。見蔡少芬好感興趣,坐埋一圍問玩法。而張晉就冇參與喇,只係全程做保鑣,負責企喺外圍望住一家人,仲攞住專業影幫老婆影低最靚嘅一面,真係錫老婆錫到暈!