無綫處境劇《愛．回家之開心速遞》嘅演員一向都當大家喺一家人，日前劉思希（Lisa）以8A完成行政人員工商管理碩士（EMBA）課程，畢業典禮就獲同劇演員包括呂慧儀、張景淳同湯盈盈等到場祝福。
呂慧儀今日就上載佐合照到社交網站，大爆Lisa想做紅娘！佢話：「恭喜洋洋EMBA畢業，謝謝你邀請我來你的畢業禮，還千叮萬囑我要到因為你要介紹你的男同學給我認識。😂」
Lisa個課程係由香港科技大學和美國西北大學凱洛格商學院合辧，所以個畢業典禮都喺科大舉行。而呂慧儀作為科大畢業生，重返母校令佢感觸良多，仲話今次來去匆匆，下次想約埋Lisa一齊返母校行吓，再一齊着番畢業袍影相添！
不過網友嘅重點就落喺啲相度喇，留言問點解明明「龔燁」張景淳都有去，但就冇一張相有佢咁話。唔通喺因為日前有傳佢哋戲假情真，所以要cut走張景淳避嫌？
