藝人袁偉豪早前出席兒童時裝騷，講到今日圈內外的好友都生佐小朋友，被問到可會心思思？佢就話：「鍾意抱佢哋，抱住先啦！ 慢慢嚟，我怕我突然之間心態太過興奮，你哋就會聽到有喜事。」
咁就好喇，唔少人都等緊佢喜訊㗎嘛。佢就話：「小朋友嘅嘢要計劃，結婚就可以好隨性，但小朋友唔係一朝一夕，要好好計劃將來。造人係要謹慎啲好。」被問到伯母咪好開心，佢就話都知阿媽等緊嘅，成日都話想『飲茶』，仲話飲茶咪同佢出去飲囉。認真鬼馬！
提到佢都喺時候結婚，袁偉豪坦言：「我都覺得係到呢個階段嘅，但都要準備，要同自己同雙方家長交代，都有傾偈嘅，會打探佢鍾意去邊度玩。被問到會秘密行事還是鋪張大搞？佢就話暫時未答到，不過呢啲喺開心事，有能力就會鋪張，但時間唔許可，就會揀舒舒服服簡單啲，返嚟再請大家食飯。所以戴結婚戒指同求婚嗰一下都好睇嗰一刻嘅心情， 突然之間心血來潮好想做呢一步，就會去做。被問到是否已經求婚，佢就話未喔！認真神秘！
希望袁偉豪都快啲有喜訊傳出喇，大家都好期待！
