歌手許廷鏗（Alfred）嘅另一個身份係執業牙醫就係人都知，但唔係個個都試過搵佢睇牙，相信唔少人都好想知佢手勢好唔好呢！
呢日歌手吳若希（Jinny）就喺IG畀咗個好評許牙醫，佢分享同Alfred嘅合照並留言：「認識那麼久，第一次找許醫生洗牙，跟他唱歌一樣那麼專業，抵我咁鍾意佢！💕💕💕」網友都好好奇個過程係點，而Jinny亦有回應網友，佢話自己以前問過Alfred係咪所有牙醫都會邊洗牙邊同病人傾偈，分散病人嘅注意力：「佢答我～都唔係嘅～睇各個人啦～～～～～ 所以⋯⋯ 許醫生幫我洗牙嗰陣係一句野都冇同我講過😂😂😂😂😂」睇嚟粉絲們想借睇牙親近Alfred，同佢吹吓水就有啲難度喇〜
此外，Jinny亦分享咗一張佢同老公Alex嘅合照，仲話係許攝影師大作，原來老公都在場！三人行睇嚟都幾歡樂〜
（on.cc）
