【覺得餵人奶太辛苦】單文柔認呷醋:而家排第二位

藝人單文柔(Phoebe)今年四月為丈夫陳展鵬誕下女兒「小豬比」,今日首次出席公開活動,她表示:「其實我之前都返咗公司做兒童節目嘅嘉賓,當係warm up,都好開心,但太耐冇出鏡,所以有少少緊張。」


Phoebe被問到現階段是否全面復工?Phoebe謂要等公司安排,她坦言:「要兼顧咗屋企先,因為小朋友仲細,好似今日我出去做嘢,我都會好早起身,安排好晒啲嘢先出門口,否則會覺得好對BB唔住。」


另外,Phoebe最近積極學打高爾夫球,問到是否被老公嫌球技不濟?她笑言:「老公嘅運動細胞好好,我一年前學過打,但因為有咗,所以唔郁得咁多,就停咗訓練,坐咗月隔咗一排冇運動,依家打番好生疏,老公落場打嘅時候又要兼顧埋我,佢enjoy唔到,所以今個暑假嘅目標係練好高爾夫球,主要係想陪佢玩。」

問到湊女的情況?她稱很享受:「佢好易湊,好少喊,所以一喊我就要搵係乜原因。我係緊張媽咪,見佢喊或者有啲反應,我唔知佢咩狀況,片又換咗、涼又沖咗、奶又飲埋,最後發現佢係扭計。」

「依家主要係我同工人姐姐湊,展鵬之前忙拍劇,依家佢放假會多啲時間湊個女,佢一起身就要睇個女,有時我要叫佢幾聲,佢先聽到我叫…」

Phoebe有沒有呷醋?她笑指:「我而家排第二位,多多少少都會呷醋,不過係自己個女,OK嘅!」單文柔笑謂剛才趕住出門口,所以忘記與女兒say goodbye。她透露現時已停止餵人奶:「因為好辛苦,同埋想做番嘢,所以而家食緊之前嘅人奶。」

 

 

 

 

 

 

 

 

 

(綜合報道 / on.cc)