日本企業向來喜歡搞搞震，製造話題！專出即食麵的日清食品絕對係數一數二的高手。
日前日清又有新搞作，忽然在官方Twitter帳戶上載了一幅四驅車模型圖片。其特別之處在於，四驅車車身喺以合味道Mini的發泡膠杯身製成，將杯身的曲線位利用得恰到好處，沒有施加額外塗裝但花紋就相當到位。
當中更不乏巧妙之處，例如車的前方放置了大大隻NISSIN（日清）Logo，車牌位則用了杯身的Bar Code，不過更搞鬼嘅喺，用黎維持車身平衡、增加或減少阻力用的導輪，竟然是杯麵內的乾蝦，令人會心一笑之餘，亦不得不佩服箇中的創意及功夫。
而網友對如此特別的諗頭都紛紛留言激讚，就連迷你四驅模型生產商田宮亦留言話勁正，見兩間公司如此眉來眼去，估計嚟緊應該有機會合作，大家拭目以待喇！
