藝人朱庭萱（Bonnie）一向都是煮嘢食高手，早前，她推出了一本烹飪書，更請來一班老友林峯、黃宗澤、李家鼎、張栢芝、陳凱琳等寫序。
李家鼎係Bonnie師傅！
Bonnie同好多圈中藝人都幾Friend，好友們都好撐她，Bonnie直言非常感激他們幫手。
當中，同Bonnie拍過拖的黃宗澤令她最感到驚喜，她謂：「我同佢好細嘅時候已經認識，仲曾經拍過拖，都認識佢屋企人，中間曾經有一段時間冇見過，我同佢平時係用英文短訊溝通，今次收到佢幫我寫嘅序，我以為佢只會Hea寫幾句，但估唔到佢中文水平咁好，寫得咁出色，我仲笑佢原來你識中文㗎？！哈哈，大家都對我好好，好多謝呢班兄弟姊妹咁幫手。」
（on.cc）
