【關心妍蔡一智兩家親】兩家人開心遊布吉！

歌手關心妍啱啱完成演唱會嘅廣州站後打算休息一下，同老公囡囡孖住蔡一智一家去咗泰國布吉旅行，蔡一智喺社交網上載咗兩家人嘅大合照，場面睇落去好熱鬧喎！

關心妍同蔡一智太太更一同着上螢光黃色背心，相當搶Fo呀！睇嚟兩家人玩得幾開心〜

之後，關心妍換上藍色一件頭泳衣在泳池邊擺Pose大Show身材，留言話：「演唱會後的成果，時刻MV的天氣沒有離開過我，陰天的布吉晴天的心情 。」好好Enjoy your holiday，休息好先再努力啦！

（on.cc）