【超閃婚紗】李璧琦感觸出嫁:我一定會好好照顧好老公!

    藝人李璧琦(Becky)與拍拖五年的男朋友蘇銘熙(Adrian)在堅道浸信會拉埋天窗,李璧琦李璧琦以一襲低胸香檳金色晚裝,簡直靚爆鏡!

    一臉幸福的Becky因為丈夫比較怕醜,所以全程也當了發言人。而在正式婚禮過程中,更Man爆許下承諾:「我一定會好好照顧Adrian的!」見到Becky咁開心咁興奮,就知佢一定無揀錯人啦〜

    Becky身穿由設計師Noel Chu設計嘅超閃婚紗,由長兄陪伴慢慢步入教堂,仲收到有好多人嘅祝福。

    而當他們感謝雙方母親同家人時,新娘子更感觸到落淚,場面十分感人〜被問到完成婚禮後的心情,Becky稱第一件事就是未習慣被稱呼為「蘇太」:「由小姐到太太,這個轉變係好奇妙的。我好感恩身邊多了一個Adrian ,令我把之前嘅憂慮一掃而空,令我對未來充滿憧憬!我有信心我能做一個滿分的太太!」

    亦多位圈中好友都有出席,包括李亞男、宋熙年和老公陳智燊、陸浩明、馬蹄露、歐錦棠夫婦、楊潮凱、小金子(喬宏妻子)等等,希望呢對新人百年好合,永結同心啦!

     

    (on.cc)

    SHARE