【被指開騷遲到80分鐘】網民鬧爆扮大牌唔敬業 汪峰反擊:群星騷嚟㗎喎

內地歌手汪峰尋晚(20日)孖住黃貫中等去到紹興開群星演唱會,點知就有網友爆料並指演唱會開唱近80分鐘,汪峰仲未到達現場,又有人爆料話汪峰剛剛先落飛機,群情洶湧鬧爆佢耍大牌兼唔敬業,欺騙消費者,紛紛嗌回水。

汪峰工作室就作出回應指網傳消息唔屬實,話相關活動係拼盤商業演出,並唔係汪峰個人演唱會,更表示演出當日,汪峰嚴格按照主辦方嘅演出流程時間安排參與演出,而且提前到達現場並準時登台表演,並唔存在遲到情況,咁究竟誤會係點嚟㗎呢?

有大陸傳媒亦指演唱會主辦方早前大力宣傳汪峰同黃貫中嘅演唱會,但結果活動現場幾位不知名歌手唱咗勁耐,開始80分鐘汪峰先出現,疑今次嘅狀況係主辦方虛假宣傳。

睇真啲張宣傳海報,都淨係有汪峰同黃貫中汪峰喎,所以下次買飛嗰陣真係要睇清楚啲詳情!

 

(on.cc / Weibo)