【妹妹影響哥哥一齊食手指】Miki楊愛瑾:果4個月簡直係人生最忙

    藝人楊愛瑾(Miki)出席活動,表示暑假沒有安排囝囝上興趣班,所以要帶他周圍玩:「佢依家兩歲多啲,仲細,所以一個月去同一個地方玩都得,會帶佢啲有大草地嘅地方畀佢跑,同有滑梯玩。(攰?)攰就梗㗎啦。」

    剛生了第二胎囡囡的她,大呻湊兩個很辛苦:「真係好攰、辛苦,要花好多精神,冇時間做其他嘢,好少約到朋友,有時間都攞嚟瞓覺,妹妹依家4個月,我覺得之前嗰4個月簡直係人生最忙嘅日子,要帶大嗰個去playgroup,又要餵細嗰個,我都會盡量親力親為。」

    問到可會湊B辛苦過工作通頂?她笑言:「湊B辛苦啲,以前做嘢一日拍足19個鐘瞓少少都得,可能以前後生啲,但依家唔得啦,因為仲要同小朋友鬥智鬥力,同埋以前拍戲係被照顧者,但依家就要照顧人。」

    問到囝囝可有呷妹妹醋?她坦言:「點都有,有時我同妹妹玩抱高,佢見到會話自己都想玩,不過佢都錫妹妹嘅,會攬攬同錫妹妹,同埋原來佢哋會互相影響,佢見到妹妹食手指,自己都開始食埋一份。」

    Miki囡囡好可愛!

     

     

     

     

     

    (綜合報道 / on.cc)

    SHARE