藝人李彩華和李國祥等，下午去咗天后出席舞台劇《恆河經變》記者會，一眾演員以劇中造型登場，場面好熱鬧。李彩華被問到完成舞台劇演出後，有無計劃休息準備造人？佢表示：「未得住，因為仲有套劇開咗工又停咗，10月左右會復拍。（開始調養身體？）我不嬲飲開中藥，而且身體幾好，不過依家又好似覺得自己未Ready咁。」
她以基督教徒身份接演這齣佛教劇，坦言內心經過掙扎：「搵牧師同鄭明明傾過偈，我本身亦有祈禱，覺得好鍾意個角色，大家都讚成我演，今次係不同宗教嘅好開始。（點解會搵你？）我唔識佢哋，只係收到電郵，可能我內地有市場（到時會有內地直播）、戲好、Keep得好啦。」
該劇9月將於香港演出五場，李彩華喺劇中一人分飾人和鹿兩角，鹿嘅角色衣著會很貼身，好彩老公無反對衣著，只要無吻戲就可以。佢話婚後所接的劇集，全都沒有感情線，覺得好神奇：「可能佢（老公）做咗嘢？哈哈！」
（綜合報導）
