【恨做媽咪?】朱千雪8月峇里拉埋天窗 派帖時氹小朋友開心

    女神朱千雪(Tracy)上個月趁31歲生日,透過IG宣布將與拍拖5年、任職醫生的嘅男友吳昆倫(Justin)拉埋天窗,並分享兩人喺教堂前嘅婚紗相,有唔少圈中好友都紛紛送上祝福!

    兩人落實下個月喺港人結婚勝地峇里舉行甜蜜婚禮,由於Justin喺新加坡工作,朱千雪已經在港為婚事做準備,因為未婚夫Justin係圈外人,兩人都想婚事低調進行。日前,她揸車去咗尖沙咀一間餐廳會合多位親友聚餐兼派發請帖,歡聚兩個幾鐘期間笑聲不絕。有親友帶同小朋友出席,朱千雪不時上前撩佢哋玩,氹得小朋友哈哈大笑,睇嚟相當恨做媽咪喎〜

    對於喺峇里舉行婚禮,朱千雪無否認,仲話:「我哋所有嘢都仲係籌備緊,但係唔想麻煩到太多人,所以所有嘢都係會簡單處理,其他細節暫時唔想講太多喇,多謝關心。」都啱嘅,始終喺兩個人嘅事。

    話說千雪同Justin其實係青梅竹馬嚟㗎!佢哋兩個仲係BB仔嗰陣已經遇上彼此,雙方媽咪入住咗同一間病房,兩家人因此相識同KEEP住聯絡,兩人大個之後由朋友發展成情侶,直至宜家更一齊組織家庭,真係好浪漫嘅愛情故事〜❤

     

    (on.cc / Instagram)

    SHARE