黃夏蕙雖身處美國，但仍關心香港狀況，尋日佢就喺Facebook PO咗兩張相，表示將於下個月3號黃昏時單拖返港，但就好頭痕唔知着咩顏色嘅衫返香港好，留言嗰陣亦都禁唔住爆粗：「而（依）家係（喺）香港地，著衫D（啲）顏色配搭都好大件事，揀鍇（錯）色就等於生死一線，黃同藍就己（已）經唔著得啦！依家黑同白又唔著得！究竟想市民點X樣呀？」相信呢個都係宜家唔少市民懊惱同擔心嘅問題！
最後夏蕙姨決定揀呢件黑底白花嘅衫，認為應該比較安全。佢好擔心香港嚴峻嘅情況維持落去，留言話：「其實您地（哋）應該知道我講乜！更加知道良知同人性慨（嘅）分別！依家唔係60年代呀，若要人不知，唔好太白痴（癡），好唔好？快D（啲）將香港變番（返）和平福地，等我返得安心D（啲）。」仲提醒身邊嘅人「Lee（呢）個期間唔咳（該）唔好再係（喺）任何群組，上崗上線咁轉發任何一方既（嘅）短片同聲音呀！」，表示自己「只係想想世界和平，開開心心」，最後，佢講完就一身輕，同大家講「8月3日香港再見！」。希望香港可以如夏蕙姨所講咁，快啲變返一個和平福地！
（Facebook）
